فاتي جمالي: “تكرفصت فطلاق وأنا لي كنضرب تمارة على ولدي وكنصرف عليه….”
تزامنا مع عيد الأم الذي يصادف اليوم الأحد 29 ماي، عبرت الفنانة فاتي جمالي عن رأيها بشأن هذا اليوم العالمي وأنه يجب الاحتفال بحقوق الأم وليس عيدها ” أنا مابغاش نحتافل بعيد الأم، بغيت نحتافل بحقوق الأم”.
حيث نشرت مساء اليوم في حسابها على موقع تبادل الصور انستغرام تدوينة طويلة تتحدث فيها عن حقوق المرأة في ان تفعل ماتريد دون الحاجة إلى الرجل والمساواة في المسؤولية قائلة: “عيد أم سعيد، الأم ممحتاجاش نهار نكتبوا ليها جملة ف مواقع التواصل الإجتماعي المرأة والأم محتاجة نعطيوها أبسط حقوقها محتاجا المساواة لي ديما كنت كنسمع عليها ولكن مع الأسف مكيناش ، إلا كنت أنا كأم معنديش الحق ناخد بطاقة وطنية ولا جواز السفر متعلقة بولدي لي مجرد أنني مرأة ولكن الرجل يقدر يخدو بلا موافقة الأم (أين هي المساواة) كيقولك لا مرأة تقدر تهرب بولدها على مشاء الله شحال من راجل هرب بولادو وخلا المرأة غدي تحماق، أنا مع المساواة الحق لي تعطي لأب عطيه الأم..”.
وأضافت مستعينة بتجربتها في الولادة والطلاق: ” أنا كأم حملت وتوحمت وتكرفصت فالحبالة وفالولادة وفرضاعة (بحال كل الأمهات ) وتكرفصت فطلاق وعندي الحضانة إتفاقيا وأنا لي كنضرب تمارة على ولدي وكنصرف عليه بحالي بحال بزاف الأمهات المغربيات القادات لي تهز ولادها بسنانها خصني تتسنى ورقة من عند الراجل حيت الحيوان المنوي ديالو (بلاما تصدموا من الجملة لأنو هدا هو الواقع ) أنا معنديش مشكل مع الشخص قد ما عندي مشكل مع القانون لي خصو يعطيني قيمتي فالمجتمع منذو شهور ولدي بلا أوراق و دابا خصني نطلع ونهبط فالمحاكم باش ناخد هد الحق لمجرد أني مرأة..”.
وناشدت السيد وزير العدل بأن يعطي المرأة حقوقها قائلة: “نتمنى من وزير العدل السي “عبداللطيف وهبي” كوزير عدل وحقوقي لي كان مهتم بالقضايا الأسرية، المهنية وحقوق الإنسان يعطي الأم حقها أكيد المشكل ديالي بسييييييط بالنسبة المشاكل أخرى لي كتواجه الأم لأنها مجرد إمرأة في مجتمع ذكوري. ولكن صعيب تكوني كديري كاع المهام الحياتية وتعتابري راسك قوية و راجل ونص وفالآخر تلقاي راسك غير زايدا فهاد الكرة أرضية منذ شهور وفمي كياكلني باش نهدر على الموضوع وكنت ديما كنتردد ولكن عيد الأم ستفزني”.
وختمت تدوينتها ب: “أخيرا الأم هي أمك أختك وبنتك ولكم واسع النظر”.
