طريقة تحضير غريبة المعلكة

المقادير :
500غ كاوكاو بلدي ، خمارة الحلوة، 2 معالق كبار الكاكاو المر، قبصة الملح، 2 معالق كبار مربى، ساشية الفاني، 2 بيضات ، 180 غ سكر كلاصي، 2 معالق كبار دقيق.
للتزيين:
بياض البيض وسكر كلاصي سبيسيال والكركاع.
الطريقة:
كناخدو الكاوكاو كنحمروه في الفران وكنطحنوه ونوضعوه في بول ، نضيفو عليه النواشف للي سبقلي وغربلتهم ، ونخلطهم كاملين حتى يتجانس، ونضيفو عليهم البيض والكنفيتير ، ونجمعوها ونديروها في السلوفان ، وندخلوها ترتاح في الثلاجة ونجبدوها وندهنو يدينا بشوية الماء، نبداو في تشكيلها كويرات ونمرروها فبياض البيض وسكر كلاصي، نضغطو عليها شوية ونديرو الكركاعة في الوسط وندخلوها الفرن مدة الطهي لا تتجاوز 8 دقائق بالصحة والراحة.