طريقة تحضير ألذ كيكة بالحامض و الكوك

المقادير:
3بيضات
1كاس سكر
1كاس زيت
1ياغورت نكهة الفاني (ممكن عوض ياغورت ديرو كاس عصير حامض)
2خمارات
3ملاعق كبار الكوك (جوز الهند)
قشور حامضة محكوك
رشة ملح
2كيسان دقيق او (،حسب الخليط)
السيرو باش نسقيو الكيكة فيه:1كاس سكر+1كاس ماء+ 2حامضات وحدة معصورة او وحدة مقطعة دوائر وساشي ديال الفاني

الطريقة:
فالاول كنطربو البيض والسكر مزيان حتى يتضاعف الحجم ديالو كنضيفو زيت شويا بشويا والياغورت وقشور الحامض محكوك وملح والكوك ودقيق مغربل ومخلط مغ الخمارات كنكبو الخليط فالمول مدهون بالزبدة ومرشوش بالدقيق وندخلوها الفران طيب
فالوقت لي كطيب فيه الكيكة نوجدو سيرو نديرو جميع مكونات فكسرولة ونخليها تغلي 10دقائق ونطفي نخليه يبرد تماما ونسقي بيه الكيكة وهي سخونة التزين اختياري ممكن تزينو بالكوك ودوائر من الحامض😋بالصحة والراحة